Ссылки доступа

Метрода ҳам чироқ ўчди


"Тошкент метрополитени" матбуот хизматининг хабар қилишича, 27 ноябрь, соат 10:42 да Тошкент метросининг 3 та бекат - "Ғафур Ғулом", "Алишер Навоий", "Ўзбекистон" бекатларида чироқлар милтиллаб ёнган. Бир дақиқа ўтгач, соат 10:43 да электр узатилиши тўлиқ тикланган.

Метрополитен матбуот хизматининг қайд этишича, бу ҳолат поездлар ҳаракатига таъсир этмаган. Поездлар бошқа электр манбаси орқали ҳаракатланади.

«Ҳудудий электр тармоқлари» ширкатининг билдиришича, 27 ноябрь куни соат соат 10:42 да Шайхонтоҳур туманида «Шайхонтоҳур 1» йўналишли кабел тармоғи шикастланган. Бунинг ортидан электр таъминотида қисқа муддатли узилиш бўлган.Тезкор равишда захирадаги кабел тармоғига уланиш оқибатида соат 10:43 да электр энергияси тўла қувват билан қайта узатила бошланган.

Айни пайтда 27 ноябрь куни Марказий сайлов комиссиясининг Тошкент шаҳар Шайхонтоҳур туманидаги Халқаро матбуот марказида ташкил этилган ва жонли эфирга узатилаётган сайлов дебати чироқ ўчиб қолгани учун узилиб қолган. Тадбир иштирокчилари тахминан 5—7 дақиқа давомида чироқсиз қолиб кетган.

Электр энергияси таъминотидаги узилишлар Ўзбекистонда йиллардан буён ечими топилмаётган муаммодир.

XS
SM
MD
LG