Қайд этилишича, Фарид Ниязов, шунингдек, собиқ президентнинг тарафдорлари Кияз Смаилов ва Амантур Жамгирчиев 2020 йилнинг 9 февралигача қамоқда қолади. Олдин уларга нисбатан ушлаб туриш эҳтиёт чораси 9 декабргача узайтирилган эди.
Улар Давлат Хавфсизлик миллий қўмитасига қарашли “Альфа” махсус бўлинмасининг олти нафар жангчисини гаровга олишда гумон қилинмоқда. Айни шундай гумон билан депутатлар Ирина Карамушкина ва Асель Кодурановни уй қамоғига олишган.
7-8 август кунлари Чуй вилояти, Аламудун тумани Кой-Тош қишлоғида жиноий авторитет Азиз Батукаевни ноқонуний озод қилиш иши бўйича “собиқ президент Алмазбек Атамбаевни мажбурий келтириш тадбирлари” ўтказилганди. Воқеалар чоғида ўнлаб кишилар жабрланди, олтин нафар махсус хизмат жангчиси гаровга олиниб, Атамбаев уйида 20 соатдан кўпроқ ушлаб турилди, ДХМҚ махсус кучларининг ходими Усенбек Ниязбеков ўқ жароҳатларидан ҳалок бўлди, Чуй вилоятининг ИИББ бошлиғи Самат Курманкулов бошидан жиддий жароҳат олди.
Атамбаев қўлга олинганидан кейин ички ишлар вазирлигига собиқ президентнинг қатор тарафдорлари, шу жумладан, Жўкоргу Кенеш депутатлари Асель Кодуранова ва Ирина Карамушкина, собиқ-депутат Равшан Жээнбеков, собиқ давлат раҳбарининг маслаҳатчиси Кундуз Жолдубаева, ДХМҚ собиқ раиси Абдиль Сегизбаев ва бошқалар сўроққа чақирилди.
Алмазбек Атамбаев ДХМҚнинг вақтинча сақлаш изояторида сақланмоқда. 15 октябрда Батукаевнинг ноқонуний озод этилиши юзасидан дастлабки тингловлар ўтказилди.Собиқ президент суд мажлисида ҳозир бўлишдан бош тортди.