Ссылки доступа

Германияда сўнгги ҳафтада иккинчи музейга ўғри тушди


Коммунистик Шарқий Германиянинг маҳфий полицияси билан боғлиқ экспонатлар сақланадиган Берлиндаги Штази музейига ўғри тушди.

Жиноят қадимий заргарлик тақинчоқлари сақланадиган Дрездендаги музейга ўғри тушганидан бир неча кун ўтиб содир бўлди.

Берлин полициясининг 1 декабрь куни баёнот беришича, ўғрилар 30 ноябрь куни тунда ёки ярим тунда биринчи қаватнинг деразаси орқали бинога киришган. Полициянинг хабарига кўра, ўғрилар «бир нечта витринани синдиришган ва медал ҳамда қимматбаҳо буюмларни олиб кетишди». 1 декабрь куни эрталаб музей ходимлари кўргазмалар залидаги синдирилган витриналарни кўриб қолишган ва жиноят ҳақида расмийларга хабар беришган.

25 ноябрь куни ўғрилар Саксон монархларининг собиқ саройидаги электрни қисман узиб қўйган ҳолда Дрездендаги «Яшил сарой» музейига киришди. Улар 18 асрга оид бриллиантдан ишланганзаргарлик буюмларини, жумладан ҳукмдор Август коллекциясидаги 49-каратли бриллиантни олиб кетишди.

XS
SM
MD
LG