Ссылки доступа

БМТ раҳбари АҚШ ва Эрон ўртасидаги кескинлик соясида “зиддиятни тўхтатишга” чақирди


БМТ Бош котиби Антонио Гутерриш олий мартабали Эрон генерали, Ислом инқилоб қўриқчилари корпусининг “Қудс” кучлари қўмондони ўлдирилишидан кейин Вашингтон ва Теҳрон ўртасидаги кескинлик ошб бораётган шароитда томонларни босиқликка чақирган дунёнинг турли мамлакатлари етакчилари сафига қўшилди.

«Бизнинг оламимизда Янги йил силсилалар билан бошланди, — дейди Гутерриш 6 январь куни БМТнинг Нью-Йоркдаги қароргоҳида. — Биз хавфли замонда яшаяпмиз. Ушбу юз йилликда геосиёсий кескинлик ўзининг энг юқори даражасига чиқди. Ва бу гирдоб ўсиб бормоқда». Антонио Гутерриш жаҳон етакчиларини “зиддият кенгайишини тўхтатишга, максимал босиқликни намоён этишга, мулоқотни тиклашга, халқаро ҳамкорликни бошлашга” чақирди.

Шу куни олдинроқ юз минглаб одамлар АҚШ президенти буйруғига кўра 3 январь куни Ироқда учувчисиз бошқариладиган аппарат ёрдамида ўлдирилган генерал Қосим Сулаймоний билан видолашиш учун Теҳрон кўчаларига чиқди.

Эрон Сулаймоний ўлими учун қасос олишга ваъда берди ва 2015 йилда жаҳоннинг етакчи давлатлари билан имзоланган ядровий битимдан чиқди.

Агар Теҳрон АҚШ манфаатларига қарши зарба берса, Трамп Эрондаги нишонларга, жумладан, маданий аҳамиятга молик объектларга зарбалар бериш билан таҳдид қилди.

62 ёшли илғор “Қудс” бўлинмаси раҳбари Сулаймоний Теҳроннинг хориждаги жосуслик ва ҳарбий амалиётларини ташкиллаштириш билан шуғулланган.

XS
SM
MD
LG