Виза беришдан бош тортиш сабаблари ҳақидаги тафсилотлар хабар қилинмаган. АҚШ Давлат Департаменти изоҳ беришдан бўйин товлаган.
ОАВ ахборотига кўра, бундай қарор эронлик генерал Қосим Сулаймонийнинг 3 январь куни Бағдод аэролпортида Доналд Трамп буйруғига кўра, Америка авиазарбалари натижасида ўлдирилгани ортидан Вашингтон ва Теҳрон ўртасидаги муносабатлар кескишлашгани шароитида қабул қилинди. Эрон ташқи сиёсат маҳкамаси раҳбари учун бу жаҳон жамоатчилигини Сулаймоний ўлдирилишини қоралашга бевосита чақиришга оид илк имконият эди, деб қайд этади манбалар.
БМТ тадбирларида иштирок этадиганларга кириш визасини беришдан бош тортиш 1947 йилги келишувларга зиддир, унга кўра, америкалик расмийлар БМТ тадбирларининг барча иштирокчиларига АҚШга киришга рухсат беришга мажбур, негаки, ташкилотнинг қароргоҳи Нью-Йоркда жойлашган. Foreign Policy суҳбатдошининг айтишича, эронлик вазир визани “бир неча ҳафта илгари” сўраган.
Вашингтон хавфсизлик ва террорчиликка қарши кураш нуқтаи назаридан виза беришни рад этиш ҳуқуқига эга эканлигини таъкидламоқда, дея қайд этади Reuters.