Ссылки доступа

Путин кутилмаганда Сурияга келди ва Асад билан учрашди


Россия президенти Владимир Путин 7 январь, сешанба куни Сурия пойтахти Дамашққа учиб келди. Ташриф ҳақида аввал хабар берилмаган эди.

Россия ахборот агентликларининг Кремль матбуот котиби Дмитрий Песковга таяниб ёзишича, аэропортдан Путин Суриядаги Россия қўшинлари қўмондонлик пункти томон йўл олди. Бу ерда Сурия президенти Башар Асад билан учрашди.

Песковнинг сўзларига қараганда, Путин “Сурия давлатчилиги ва худудий яхлитлиги тикланиши йўлида катта ишлар қилинганини” таъкидлади. Асавд кўрсатаётган ёрдами учун Россияга миннадорчилик билдирди.

Путиннинг ташрифига Россия мудофаа вазири Сергей Шойгу ҳамроҳлик қилди.

Путин Яқин Шарқдаги вазият кескинлашган бир вақтда Сурияга келди. Маълумки, АҚШ ўтказган амалиёт натижасида эронлик таниқли генерал Қосим Сулейманий ўлдирилган эди. Эрон, худди Россия сингари Башар Асадга қуролли мухолифатга қарши курашда ёрдам беради. Сурия ҳудудида АҚШнинг иттифоқчилари Сурия курдлари бўлиб, “Ислом Давлати” террор гуруҳига қарши курашиш мақсадида Америка ҳарбийлари мамлакат шарқига жойлаштирилган. Путиннинг ташрифи Сулейманий ўлдлирилгунга қадар режалаштирилгани ноаниқ.

Маълумки, 8 январь куни Россия президенти Туркияга ташриф буюради, ҳамда “Турк оқими” деб номланган газқувури очилишида иштирок этади.

XS
SM
MD
LG