Ссылки доступа

Қырғызстан премьер-министрі шекарадағы күзетті күшейтуді тапсырды


Мухаммедкалый Абылгазиев

Қырғызстан премьер-министрі Мұхаммедкалый Абылгазиев, қырғыз-тәжік шекарасындағы жанжалдан соң, күш құрылымдарына мемлекеттік шекарадағы күзетті күшейтуді тапсырды.

Құқық қорғау органдарына шекарадағы елді мекендерді үнемі аралап, азаматтардың қауіпсіздігін қамтамасыз ету тапсырылды.

Вице-премьер-министр Жениш Разаков екі мемлекеттің тиісті органдарымен келіссөзді күшейтуді тапсырды. Үкімет басшысының мәлімдеуінше, тараптар шекараға қатысты қабылданған шешімдерді қатаң орындауы тиіс.

10 қаңтарға қараған түні қырғыз-тәжік шекарасында жанжал болды. Қырғызстан билігінің хабарлауынша, белгісіз біреулер қырғыз азаматына тиесілі автокөлікті таспен атқан. "Түнгі сағат 02:40 шамасында Кок-Таш ауылында Тәжікстан жақтан оқ атылды" деп хабарлады қырғыздың ішкі істер министрлігі.

Тәжікстан Ұлттық қауіпсіздік мемлекеттік комитеті шекарадағы жанжалға Қырғызстанның тиісті органдары жауапты деп мәлімдеді.

XS
SM
MD
LG