Бұл мемлекеттік мекемелер мен мектептерде смартфон ұстауға тыйым салу аясында жүріп жатыр.
Ашғабадтағы Азаттық тілшісінің хабарлауынша, екі мектепте телефон пайдаланғаны үшін оқушыларды полиция қызметкерлері алып кеткен жағдай кездескен.
- Полиция бөлімшесіне ата-аналарды шақырып, оларға 100 манаттан айыппұл салып жатыр. Айыппұлды банк арқылы төлеуі тиіс. Төленді деген түбіртекті полиция бөлімшесіне алып барғанда ғана, тәркіленген телефондарды қайтарып береді, - дейді тілші.
Тілші дереккөзінің хабарлауынша, 11 ақпанда Ашғабад мектептерінде дәріс үстінде арнайы комиссия оқушылардың сөмкесін ашып тексерген.
- Комиссия құрамында мектеп директорлары, полиция өкілдері және сонымен бірге білім министрлігі қызметкерлері бар. Олар әрбір оқушының портфельдерін ашып, кітаптарын тексерген. Бұл әрі телефоны бар-жоғын тексеруге жақсы мүмкіндік, - деген ата-ананың бірі Азаттықтың Ашғабадтағы тілшісіне.