Ҳамдарсони ин духтар мегӯянд, ӯ пас аз нашри видеои амалҳои маҳрамонааш бо ҷавони ношиносе даст ба худкушӣ задааст.
"Дар бораи он ҷавон чизеро намедонем. Чеҳраи ӯ дар навор дида намешавад. Вале мегӯянд, ӯ низ дар мактаби мо мехонад. Вай бо телефонаш амалҳои маҳрамонаро бо духтар сабт ва паҳн кардааст. Ҳоло пулис тамоми хонандагони мактабро бозпурсӣ дорад", - гуфт яке аз ҳамдарсони духтар.
Ҳамсояҳои духтар низ мегӯянд, ба худкушии хонанда паҳни навори амалҳои маҳрамонааш сабаб шудааст.
"Дар телефони бисёриҳо ин навор ҳаст. Ҳатто ба худи ӯ низ фиристодаанд. Зоҳиран духтар натавонист ин шармандагиро таҳаммул кунад ва бинобар ин, худро овехт", - изҳор дошт яке аз ҳамсояҳо.
Дар Идораи пулиси Янгиюл гуфтанд, дар робита ба ҳодисаи мазкур бо банди "Расонидан ба худкушӣ" парванда боз шуда, тафтишот идома дорад.