Ссылки доступа

Жалолиддин Мангуберди ҳақидаги 7 миллион долларлик сериал Туркияда суратга олинади


Ўзбекистон Маданият вазирлигининг маълум қилишича¸ 2 та фасл, 26 қисмдан иборат Жалолиддин Мангуберди фильмининг суратга олиш ишлари Туркияда бўлиб ўтади.

Расмий хабарга кўра¸ турк киноижодкорлари томонидан тасвирга олинадиган ушбу фильм биринчи фаслини суратга олишга ҳозирлик ишлари бошланган ва айни кунларда Хоразмшоҳлар даврига оид декорация барпо этилмоқда.

Вазирлик 12-аср Хоразмшоҳлар давлатининг сўнгги ҳукмдори, моҳир саркарда Жалолиддин Мангуберди ролини ким ижро этиши ҳозиргача аниқ эмаслигини билдирди.

Айтилишича¸ 7 миллион долларлик фильмдаги бош ролни турк актëрларидан бири ўйнаши кутилмоқда.

2017 йилда "Миллий кинематографияни ривожлантириш" ҳақида қарор имзолаган Ўзбекистон президенти Шавкат Мирзиëев кино ижодкорлари билан учрашувларда тарихий сиймолар образини яратиш муҳимлигини таъкидлаб келмоқда.

Президентнинг бундай чақириқларидан сўнг Ўзбекистонда тарихий фильмларни суратга олиш кўпайди.

Хусусан¸ 2018 йил августида Тошкентда Мирзиëев ташаббуси билан олинган илк тарихий фильм - “Бош вазир Исломхўжа” фильми жамоатчиликка тақдим этилган эди.

XS
SM
MD
LG