Банк Goldman Sachs Group пандемияға байланысты АҚШ-тың бірінші кварталдағы экономика өсімі жайлы болжамды төмендетті. Банк биылдың алғашқы үш айындағы жалпы ішкі өнім бастапқы болжамдағыдай 0,7% емес, 0% деп бағалады.
Банк болжамынша, екінші кварталда өсім орнына 0,5% құлдырайды, үшінші кварталда АҚШ жалпы ішкі өнімі 1% - 3% аралығында болады.
Әлемде COVID-19 вирусын 162 мың адам жұқтырса, 6446-ы көз жұмған. 75,5 мың адам сауыққан. Індеттің кең таралуына байланысты көптеген дамыған елдердегі мыңдаған компаниялары жұмысын уақытша тоқтатып, келісім-шартты үзді. Соған қарамастан компания жұмысшыларына айлықты төлеуге мәжбүр болып жатыр.
Дүйсенбі күні Оңтүстік-Шығыс Азия елдерінде құнды қағазды жаппай сатудан бастады. Сидней биржасында құнды қағаз 7 процентке түсіп кетті. Мұнай бағасы 3 пайызға түсті. Тек алтынның ғана құны аздап өскен.