Унинг баён қилишича, эрининг қўлга олинишини видео тасвирга олишга уринган пайтда ҳужумга учраган, шунингдек, уни расмийларнинг босими остида “Жас Алаша”нинг бош муҳарририлигидан четлатишган.
17 март кунги баёнотида ташкилот Иманбайга қилинган ҳужумни “очиқ ва самарали” тергов қилишга чақирди, ҳужжатда қайд этилганидек, у “кенг миқёсли таъқибга дучор бўлмоқда”.
Иманбайнинг турмуш ўртоғи — Жанболат Мамай, янги Демократик партия ташкил этиш бўйича ташаббускор гуруҳнинг етакчиси, бу партиянинг 22 февралдаги таъсис қурултойи бекор қилинган эди. “Расмийларнинг мисли кўрилмаган босими” бунинг сабаби сифатида кўрсатилди. Бир нача сиёсий гуруҳлар ўтказишга чорлаган 1 март, митинглар кунида Мамайни полициячилар қўлга олишга уринган. Аввалроқ уни 22 февралдаги митинглар арафасида қўлга олиб, уч кунлик маъмурий қамоқ жазосини белгилашган эди.
Ҳомиладор бўлган Иманбай 1 март куни қўлга олиш ҳодисасини видеога олишни хоҳлаган, аммо унинг қўлидаги смартфонни тортиб олишга уринишган. Журналист аёлни итариб юборишгани ва металл тўсиққа бориб урилиши оқибатида енгил мия чайқалиши жароҳатини олган.
Иманбай «Жас Алаша» бош муҳаррирлигига январнинг бошида тайинланган. Иддао қилишича, раҳбарият уни 23 феврал куни расмийларнинг босими остида ишдан ҳайдаган.
“Чегарасиз мухбирлар” ташкилотининг қайд этишича, Иманбайнинг 1 март кунги ҳужум билан боғлиқ йўллаган шикоятига полициячилар “ҳеч қандай чора кўришмаган”.
“Чегарасиз мухбирлар”нинг Шарқий Европа ва Марказий Осиё бўйича бўлими раҳбари Жанна Кавельега кўра, расмийларнинг журналистлар хавфсизлигини таъминлаш мажбурияти ҳақида гапириш у ёқда турсин, эркин ОАВ бир йилдан бери ҳокимиятни бошқараётган президент Қосим-Жомарт Тоқаев таъкидлаётганидек, “демократик мунозаралар ва ислоҳотчилик йўналишининг ишонч қозониши учун мутлоқ зарур».
Бир неча сиёсий гуруҳлар ўтказишга чақирган 22 февраль ва 1 март кунги митинглар кунида, митингдан олдин ва кейин ўнлаб одамлар полиция маҳкамасига келтирилди, қўлга олинди, жарима ва қамоққа олиш жазосига дучор бўлди. Полиция ходимлари шунингдек, норозилик акциясини ёритаётган журналистлар ишига мунтазам тўсқинлик қилиб келади. “Чегарасиз мухбирлар” томонидан тузиладиган «Матбуот эркинлиги бутунжаҳон индекси»да Қозоғистон 2019 йили 180 та мамлакат орасида 158 ўринни эгаллади.