Ссылки доступа

Олмаотада 4та кўпқаватли уй тўла карантинга ёпилди


Қозоғистоннинг Олмаота шаҳрида 19 март куни "Сункар" турар-жой мажмуаси ва шаҳар марказидаги Достиқ проспектидаги учта кўпқаватли уй тўла карантинга беркитилди.

"Сункар" 18 март куни кечқурун изоляция қилинган эди, эртаси куни эрталаб Олмаота хокимининг ўринбосари Ержан Бабакумаров Достиқ проспектидаги 42 ва 42а, Кабанбай-батир кўчасидаги 68 уйлар ҳам беркитилганини маълум қилди.

Айни дамда ҳовлилар ҳарбийлар томонидан қуршаб олинган, ҳовлига кириш учун назорат ўтиш пунктлари ўрнатилди. Ажратиб қўйилган сектор аҳолиси учун битта озиқ-овқат дўкони ишлаб турибди. Расмийлар аҳоли ўртасида инфекция тарқалмаслиги учун чора кўрилаётганини таъкидламоқда: чунки уйда коронавирус гумонида бўлган одам аниқланган.

Қозоғистон парламентининг юқори палатаси спикери Дариға Назарбаева Олмаота ва Нурсултонда карантин жорий қилинишини "ўз вақтида кўрилаётган зарур чора" дея атади, давлат идораларининг ҳаракатларини – профессионал ва тўғри ташкил қилинганлигини қайд қилди.

"Бугун мамлакат ҳукумати олдинроқ ҳаракат қилмоқда. Давлатнинг вазифаси – фуқаролармизнинг ҳаёти ва саломатлигини сақлаш, иқтисодиёт ва истеъмол бозорини фаолиятини таъминлашдан иборат", – деди Назарбоевнинг қизи. Унинг сўзларига қараганда, "эпидемияга қарши муваффақиятли курашда ирода ва қатьиятлилик керак".

Қозоғистоннинг иккита йирик шаҳри - Олмаота ва Нур-Султонда 19 март куни кечқурун карантин режими жорий қилинди. Сўнгги маълумотларга қараганда, Қозоғистонда коронавирусга чалинганлар сони 49 кишига етди.

Карантин режими шаҳарни секторга бўлишга рухсат беради ва туманлар ичида алоҳида карантин зоналари ташкил қилиш, уларнинг ичида одамлар ва транспорт воситаларининг ҳаракатини чеклаш имконини беради. Шунингдек одамларнинг поезд ва шаҳарлараро автобусларда шаҳарга кириш ва шаҳардан чиқишлари чекланди. Олмаота ва Нур-Султонга киришда блокпостлар ўрнатилди. Тез ҳаракатланувчи махсус отряд ва Миллий гвардия аскарлари ҳаракатларни чекламоқда.
Шаҳарларда кундуз кунлари жамоат транспортининг ҳаракати чеклланди, тунги вақтларда эса тўла тўхтатилди.

Как чрезвычайное положение отразилось на работе рынков в Казахстан
пожалуйста, подождите

No media source currently available

0:00 0:02:41 0:00

XS
SM
MD
LG