Дастурга кўра, даромади бир йилда 75 минг долларгача бўлган ҳар бир катта ёшдагиамерикалик 1200 долларгача олади, ҳар бир бола учун 500 доллардан ажратилади. Қонун лойиҳаси Сенатда қабул қилинганидан сўнг Вакиллар Палатасида кўриб чиқилиши керак. Шундан сўнг ҳужжат имзолаш учун АҚШ президенти Дональд Трампга юборилади, у қўшимчалар пакетини зудлик билан имзолашга тайёрлигини маълум қилди.
Бир неча миллиард долларлик пакетнинг умумий қиймати 2020 йилги АҚШ федерал бюджети ($1,4 трлн)дан, шунингдек бошқа мамлакатлар томонилан қабул қилинган инқирозга қарши кураш чораларига ажратилган маблағлардан ошиб кетади. Масалан, Буюк Британияда иқтисодиётга ёрдам тариқасида хукумат £330 млрд. ажратди.
Сенат томонидан қабул қилинган инқирозга қарши чоралар тўғрисидаги қонун лойиҳаси қуйидагиларни назарда тутади:
Сўнги ҳафталарда ўз мижозларининг катта қисми ёки ҳаммасини йўқотган кичик ва йирик корхоналарни молиявий қўллаб-қувватлаш.
Ходимларни ишдан бўшатилишининг олдини олиш мақсадида компанияларни молиявий қўллаб-қувватлаш.
Ишдан маҳрум бўлган ходимларга вақтинча нафақа бериш.
Маошлари қисқарган ходимларга нафақа бериш.
Кичик бизнесга қарз бериш учун $367 млрд ажратиш.
Шифохоналар эҳтиёжи учун $130 млрд ажратиш.
Бу АҚШда COVID-19га қарши кураш учун қабул қилинган учинчи қонун лойиҳасидир. Бундан аввал Конгресс эпидемияга қарши кураш учун, жумладан коронавирусга қарши вакцина яратиш учун $8,3 млрд тақдим қилувчи қонун лойиҳаси учун овоз берган эди. Қонун чиқарувчилар COVID-19 туфайли таътилга чиқишга мажбур бўлганларга ёрдам бериш мақсадида 100 миллиард долларлик чора-тадбирларни қўллаб-қувватлаган эди.
26 март ҳолатига кўра АҚШда 69 мингдан ортиқ кишида вирус аниқланди. 25 март куни кечқурунCOVID-19дан ҳалок бўлганлар сони бир минг кишидан ошиб кетди.