Министрліктің хабарлауынша, 411 млрд. сум ($40,6 млн) арнайы ауруханалар мен карантин аймақтарын салуға және оларды құрал-жабдықпен қамтуға кетті.
Санитарлық-эпидемиологиялық бақылау агенттігіне қордан 226 млрд. сум ($22,3 млн) бөлінген. 123 миллиард сум ($12 млн) тест-жүйелер, реагенттер және сақтану заттарын алуға жұмсалды. 93 миллиард сум ($9 млн) қоғамдық орындарды дезинфекциялауға, карантин орталықтарында жұмыс істейтіндердің айлығын төлеуге, медицина қызметкерлеріне сыйақы тағайындауға жұмсалды.
Әлеуметтік салаға барлығы 117 миллиард сум ($11,5 млн) бөлінген. Оның 50 миллиард сумы ($5 млн) жұмыссыздарды уақытша жұмысқа тартуға, 30 миллиарды (шамамен $3 млн) - жағдайы нашар отбасыларды қолдауға 26 миллиарды ($2,5 млн) - әлеуметтік жәрдемақыға жұмсалды.
Осы уақытқа дейін Дағдарысқа қарсы қорға 1,6 трлн сум ($158 млн) түскен. Оның 1 триллион сумы ($98,8 млн) халықаралық қаржы институттарынан алынған несиеден, қалғаны Өзбекстан бюджетінен алынған.