Ссылки доступа

РФ мудофаа вазирлиги COVID-19 вакцинасини одамларда синашни бошлади


Россия мудофаа вазирлиги COVID-19га қарши вакцинани клиник синовдан ўтказиш учун 50 нафар кўнгиллини танлаб олди. Бу ҳақда ҳарбий муассасага таянган ҳолда Россия ахборот агентлиги хабар берди.

Бу ерда гап Россия Мудофаа вазирлигининг 48- Марказий илмий-тадқиқот институти томонидан яратилган вакцина ҳақида бормоқда. Кўнгиллиларнинг биринчи гуруҳи институтга 3 июн куни етиб келади.

Россия мудофаа вазирлиги коронавирусга қарши вакцина ишлаб чиқишда иштироки борасида апрел ойи бошларида маълум қилинган эди. Ўшанда эҳтимолий вакцинанинг клиниккача бўлган тадқиқотлари 1 июнда якунланади, дея мудофаа вазири Сергей Шойгу президент ўтказган мажлисда маълум қилган эди. Вакцинанинг клиник тадқиқоти июл охирларида якунланиши кутилмоқда.

22 май куни РФА академиги Александр Гинцбургнинг хабар қилишича, марказ ходимлари ўзларида SARS-CoV-2 коронавирусга қарши вакцинани синаб кўрган. Улардан ҳеч бирида ёмон таъсир қайд қилинмади, "ҳамма тирик, соғ саломат ва хурсанд", деди Гинцбург.

Ўтган ҳафта Москва мэри Сергей Собянин баёнот бериб, коронавирус инфекциясига қарши кураш мақсадида жорий қилинган санитар чекловлари касалликдан ҳимоя қилувчи вакцина яратилмагунга қадар тўлалигича бекор қилинмаслигини айтган эди.

XS
SM
MD
LG