Ссылки доступа

Тәжікстандағы психиатриялық клиникада 50 науқас коронавирус жұқтырған, бірақ билік бұны жоққа шығарды


Тәжікстанның Соғды облысындағы психиатриялық клиникада шамамен елу науқас коронавирус жұқтырған. Мекеме әкімшілігі бұны жоққа шығарып отыр.

3 маусымда психиатриялық емдеу мекемесінде болған адамдар клиникадағы науқастардың жартысы коронавирус жұқтырғанын Озоди радиосына хабарлады. Дәлел ретінде олар аудиотаспа ұсынды. Онда клиника дәрігерлері елу науқас COVID-19 вирусын жұқтырғаны туралы айтқан.

Психиатриялық клиника директоры Нодира Саидова "науқастардың коронавирус жұқтырған-жұқтырмағаны әзірге расталған жоқ" деп жауап берді. Одан соң директор тілші сауалдарына жауап беруден бас тартты.

Мекемедегі науқастар Худжанд ауруханасында тексерілген. Олардың елуі коронавирус жұқтырғаны анықталған. Аурухана басшылығы психиатриялық клиника науқастары осы мекемеде тексерілгенін растады, бірақ оларға "жоғары жақтан коронавирус стастистикасы туралы мәлімет таратпау туралы бұйрық түскен".

XS
SM
MD
LG