«Лебап вилояти касалхоналарининг шифокор-консультатив комиссияларига оғзаки кўрсатма берилди, унга кўра, ногиронлиги бўлган беморлар сони кескин қисқартирилиши керак. Ҳатто ногиронлиги кўриниб турган шахсларга ҳам ногиронлик осонлик билан берилмайди», дейди Азатлиқ мухбири.
Шифокор ва беморларнинг айтишича, ногиронликни белгилаш учун вилоят диспансерида ҳисобга туриш ва беш йил мобайнида ҳар ярим йилда даволаш жараёнидан ўтиш керак бўларди. Шунлан сўнг бемор ногиронликни оларди ва унга давлат нафақа тўларди.
«Энди эса ногиронликни олиш учун бемор 10 йил мобайнида диспансерда даволаниши керак. Шундан кейингина комиссия унга ногиронлик гуруҳини беради ва рўйхатга олади», дейди Лебап вилоят касалхонаси шифокори.
Лебапда яшовчи фуқаролардан бирининг айтишича, 5 йилдан бери ҳар икки ойда вилоят шифохонасида юрак ва жигар хасталигидан даволанади, энди эса унга ногиронлик берилмаяпти.
Азатлиқ мухбирлари, иқтисодий вазият ёмонлашиб бораётган сўнгги йилларда ногиронлиги яққол кўриниб турган шахсларга ҳисобга олиш рад этилаётгани, шунингдек шифокорлар томонидан пора таъма қилинаётгани борасида хабар бериб келишади.
2020 йилнинг 1 январидан бошлаб Туркманистонда давлат нафақасининг энг кам миқдори 322 манат ($91) дея белгиланган.