Ссылки доступа

Тәжікстандағы Куляб қаласының әкімі жемқорлық айыбы бойынша ұсталды


Бахром Иноятзода

Тәжікстанның Хатлон облысы Куляб қаласының әкімі Бахром Иноятзода коррупция айыбы бойынша ұсталды деп хабарлайды елдің ұлттық қауіпсіздік комитеті.

8 маусым күні Тәжікстан президенті Эмомали Рахмон Бахром Иноятзоданы қызметінен алған. Оның орнына Тұрсынзада қаласы әкімдігінің төрағасы болған Абдукодир Вализода тағайындалған.

"Ховар" дереккөзі бойынша, 27 мамырда Кулябтың экс-әкімінің жүргізушісі Хурсандали Хуррамов, ал 03 маусымда экс-әкім көмекшілерінің бірі Фируз Курбанов ұсталған.

Азаттықтың тәжік қызметінің дереккөзі хабарлағандай, экс-әкімнің жүргізушісі көлікте пара алып жатқан жерінен ұсталған. Мәліметке қарағанда, Куляб тұрғынынан ірі көлемде ақша алып, жер бөліп беруге уәде еткен.

XS
SM
MD
LG