Икки кишига нисбатан “ҳақорат қилиш” ва “ҳукумат вакилларига нисбатан зўравонлик қилиш” бўйича жиноий иш очилди. Қолганлар профилактик суҳбат ўтказилганидан сўнг қўйиб юборилди, дея ёзди Polisia.kz сайти 8 июн куни кечқурун.
Кузатувчилар томонидан эълон қилинган қўлга олинганлар сони ИИВ томонидан эълон қилинган рақамдан беш баробар ошиб кетган. Уларнинг маълумотига кўра, 6 июн куни намойишга чиққанларнинг таъқиб қилиниши билан боғлиқ 311 та ҳолат қайд қилинди, шундан 276 кўпроғи ушланди. 8 июнь куни Нур-Султонда камида уч нафар фаол тинч йиғилиш ўтказиш тартибини бузгани учун 10 ва 15 кунга қамалди.
Июнь ойида тинч намойишлар тўғрисидаги янги қонун кучга кирганидан сўнг Қозоғистоннинг турли шаҳарларида ҳукумат томонидан “ноқонуний” дея аталган норозилик акцияларига чиққанлар оммавий равишда ушланди. Ўнлаб одамлар пойтахт ва Олмаотада, шунингдек бошқа шаҳарларда, жумладан Семей, Оқтобе, Қизил Ўрда, Уральск ва Чимкентда ушланди. Азаттиқ мухбирлари, фаоллар ва ҳуқуқ ҳимоячилари 6 июн куни камида еттита шаҳарда юздан ортиқ кишининг ушланганига гувоҳ бўлди. Уларнинг кўпчилиги ўша куни озод қилинди.
Норозилик акциясига чиққанлар сиёсий маҳбусларни озод қилиш, хорижий фуқароларга ерларни сотмаслик ёки ижарага бермаслик, кредит амнистиясини эълон қилинишини талаб қилдилар.