Адвокат аризасида Нодира Қодированинг иши етарли даражада тергов қилинмаганини, тергов принциплари бузилганини билдирган.
Илёс Дўғон маҳаллий прокуратура Нодира Қодирова “ўз жонига қасд қилган”, деган хулосага келганини, аммо қиз яшаган хонадаги қатор буюмлар бу хулосани шубҳа остига қўйишини ҳам таъкидлаган.
Нодира Қодирова 2019 йилнинг 24 сентябрь куни тонгги 8:48 да генерал Уналга тегишли тўппончадан отилган ўқдан яраланган¸ соат 9:50 да Билкент касалхонасида жони узилган.
У парламент депутати бўлган генерал Ширин Уналнинг уйида 2017 йилдан бери ишлаб келган ва генералнинг касалманд онасига оқсочлик қилган.
Нодира Қодированинг сирли ўлими Туркия оммавий ахборот воситаларида катта шов-шувга сабаб бўлган эди.