Ссылки доступа

Як сокини 21-солаи Андиҷонро дар таҳхонаи таваллудхона овехта дарёфтанд


Як сокини 21-солаи шаҳри Андиҷони Ӯзбекистонро рӯзи 7 июн дар таҳхонаи таваллудхона овехта дарёфтаанд. Ин зан рӯзи 2 июн нахустфарзандашро таваллуд карда буд.

Ба иттилои пешакӣ, зан худкушӣ кардааст. Табибон гуфтанд, баъд аз таваллуд дар рафторҳои зан ихтилоли равонӣ мушоҳида мешуд. Вай рӯзи 2 июн таваллуд карда ва фарзандаш солим ба дунё омадааст.

"Баъд аз таваллуд як рӯз дар шуъбаи эҳё боқӣ монд. Шоми 7 июн вай гуфт, ба дастшӯӣ меравад, баъди шустушӯ либосашро иваз карду хоб рафт. Бо гузашти чанде нопадид шуд. Субҳи 7 июн ҷасади дар банд овехтаашро дар таҳхона пайдо карданд", - гуфт як табиб аз таваллудхонаи вилоятии Андиҷони Ӯзбекистон. Ин табиб мегӯяд, сабабҳои худкушии зан барои онҳо норушан аст. Додситони вилояти Андиҷон дар пайи ин ҳодиса таҳқиқро шуруъ кардааст.

XS
SM
MD
LG