Комисияи Аврупо умедворам аст, ки то 1 июл маҳдудиятҳои сафар байни кишварҳои минтақаи Шенген бардошта хоҳанд шуд.
То 30 июн марзҳои Иттиҳоди Аврупо барои шаҳрвандони кишварҳои севум баста боқӣ хоҳанд монд. Комисияи Аврупо тавсия медиҳад, ки аз 1 июл марзҳо барои гуруҳе аз хориҷиҳо, аз ҷумла барои донишҷӯён ва кормандони баландихтисос боз шаванд, аммо на барои сайёҳон.
Дар тавсияҳои Комисия омадааст, ки бозшавии комили марзҳо бояд дар ҳамоҳангӣ бо назардошти чанд талабот сурат гирад. Нахуст вазъи эпидемиологии кишварҳое, ки Иттиҳод марзашро ба рӯи шаҳрвандони он боз мекунад, набояд аз кишваҳои минтақаи Шенген бадтар бошад.
Дар бисёре аз кишварҳои Иттиҳоди Аврупо ҳолатҳои нави гирифторӣ ба вируси корона ва фавт аз ин вирус дар ҳафтаҳои охир коҳиш ёфтааст.