12 июн куни эълон қилинган фармонда таъкидланишича, сайловлар юқори палата депутатларининг “конституцион ваколат муддати 2020 йил октябрида тугаши” сабабли белгиланди.
«Сенат депутатлари сайловини ўтказилишини ташкилий, моддий-техник ва молиявий таъминлаш учун ҳукуматга, Нур-Султон, Олмаота ва Чимкент шаҳар ҳамда вилоятлар ҳокимларига чора тадбирлар кўриш юклатилсин», — дейилади фармонда. Фармон эълон қилинган вақтдан бошлаб кучга киради.
Сенатнинг 47 депутатидан 32 нафари Маслаҳат депутатлари бўлмиш сайловчилар томонидан сайланади (сенатнинг 15 депутати мамлакат президенти томонидан тайинланади). Ваколат муддати 6 йил бўлмиш Сенат депутатлари сайлови 16 депутатнинг ваколат муддати якунланган ҳар уч йилда ўтказилади.
2 май куни президент Тоқаев ўз фармони билан ўз ўтмишдоши бўлмиш Назарбоевнинг қизи, бир йил парламент сенати раиси лавозимида ишлаган Дариға Назарбоеванинг депутатлик ваколатини тугатди. Сенат раиси мамлакат иерархиясида президентдан кейинги иккинчи лавозим ҳисобланади, чунки президент истеъфога чиқса ёки вафот этгудек бўлса, унинг ваколати сенат спикерига ўтади. Назарбоеванинг истеъфосидан кейин юқори палатага Маулен Ашимбаев раҳбарлик қила бошлади, у декабрдан бери Қозоғистон президенти администрацияси раҳбарининг бирнчи ўринборсари лавозимда ишлаб келаётган эди.