Бразилия Латын Америкасында пандемия ошағы деп танылды. Бұл елде коронавирус жұқтырғандар мен індеттен қайтыс болғандар саны өсіп барады. Бразилияда бір тәулікте 1200-ден астам адам коронавирустан көз жұмды.
11 маусымда ғана Бразилияда 30 мыңнан астам адамның коронавирус жұқтырғаны анықталды. Елде коронавирус жұқтырғандар 803 мыңнан асты. Бұл көрсеткіш бойынша Бразилия АҚШ-тан кейінгі екінші орында тұр. Құрама Штаттарда коронавирус жұқтырғандар екі миллионнан асып кетті.
Дүниежүзілік денсаулық сақтау ұйымының ескертуіне қарамастан, әлемнің көптеген елі карантин шектеулерін жұмсартып жатыр.