Ссылки доступа

Түркмөнстанда бир нече айылды суу каптады (видео)


Түркмөнстандын Мары жана Лебап облустары чектешкен бир нече айылда сел жүрдү. Бул тууралуу «Азаттыктын» түркмөн кызматынын аталган аймактардагы кабарчылары билдиришти.

Мары облусундагы кабарчынын айтымында, 12-июнда Каракум каналы жээктен чыгып, жакын жайгашкан айылдарды суу каптаган.

«Суу каптоодон Ничка айылында 50-60 үй зыянга учурады. Айылдын көчөлөрү аркылуу кайык менен гана жүрүүгө болот», — деди кабарчы.

12-июнда социалдык түйүндөрдө Гараметнияз жана Ничка айылдарындагы сел каптаган үйлөр, көчөлөр тартылган видео пайда болгон.

Азырынча суу каптоодон жабыркаган тургундар мамлекеттен эч кандай жардам алыша элек.

«Үйлөрдөгү, көчөдөгү сууну сордуруп алыш үчүн атайын техникалар керек, бирок азырынча алар жок. Тургундар айыл четиндеги бийиктикке чыгып, талкаланып жаткан үйлөрүн кароодон башка эч нерсе кыла албай турушат», — деди кабарчы.

Лебап облусундагы кабарчынын айтымында, Керкин районундагы бир нече айылды да суу каптап, эгин талааларын жууп, турак-үйлөрдү зыянга учуратты.

Түркмөнстандын мамлекеттик ЖМКлары бул жаратылыш кырсыгы боюнча эч кандай маалымат беришкен жок.

Видео

Видео

Айтматовдордун китепке айланган өмүрү
пожалуйста, подождите

No media source currently available

0:00 0:04:14 0:00
XS
SM
MD
LG