Ссылки доступа

Қирғизистон ҳукумат раҳбари лавозимга бош вазир ўринбосари Боронов номзоди кўрсатилмоқда


Парламентдаги кўпчиликни ташкил қилувчи Коалиция Қирғизистон бош вазири лавозимга бош вазирнинг биринчи ўринбосари Кубатбек Боронов номзодини кўрсатмоқда, дея 16 июн куни хабар берди Озодликнинг қирғиз муҳарририяти (Азаттиқ радиоси) парламентдаги манбага таяниб.

Қирғизистон бош вазири Мухаммедкалий Абилгазиев куни кеча радиочастоталарни тақсимлаш иши бўйича тергов давом этаётгани боис истеъфога чиқишини маълум қилди. 15 июнь куни эълон қилинган баёнотда Абилгазиев: «Менинг бу ишга мутлақо алоқам йўқ, менинг шаънимга билдирлаётган айбловлар бирор бир асосга эга эмас», деди.

Унинг таъкидлашича, тергов идоралари бирор бир савол билан унга мурожаат қилмаган. Абилгазиевнинг сўзларига кўра, тергов фуқароларнинг ҳукуматга бўлган ишончини сусайтиради ва коронавирус инфекцияси пандемиясига қарши кураш имкониятларини чеклайди.

ҚР парламенти депутатлари аввалроқ амалдор бу иш бўйича гумондор сифатида кўрилмаётган бўлишига қарамай, Абилгазиевнинг етакчи кабел операторлари ва йирик телекоммуникация компаниялари иштирокида радиочастоталарни сотиш ишига эҳтимолий алоқаси борлигини шубҳа остига олган эди. 27 май куни Абилгазиев “терговга босим ўтказишда айбланмаслик учун” қисқа муддатли таътилга чиққан эди.

Абилгазиев 2018 йил апрел ойида Қирғизистон президенти Сооронбай Жээнбеков томонидан бош вазир лавозимига тайинланган эди.

Ҳукумат раҳбарининг истеъфоси президент томонидан қабул қилинганидан кейин кўпчиликни ташкил қилувчикоалиция ўз номзодини кўрсатади. Парламентдаги олтита фракциядан тўрттаси— ҚСДП,«Республика — Ата Журт», «Қырғызстан» ва«Бир Бол» — кўпчилик коалициясига бирлашган. Коалициянинг 16 июн куни мажлис ўтказиши кутилмоқда.

XS
SM
MD
LG