Баёнот Европа чегараларнинг очилиши ва Хитой пойтахтида касалликка чалинишнинг янги ҳолатлари қайд қилиниши фонида берилди. Пекинда касалликка чалинишнинг янги ҳолати аниқлангани боис бир қатор мавзелар ёпилди.
Жаҳонда COVID-19га чалинганларнинг умумий сони саккиз миллионга етди, 436 минг киши вафот этди. Гебрейесуснинг таъкидлашича, касалликка чалинишнинг кунлик ўсиши 100 минг кишига етди, вирус Осиё ва Америкада кенг тарқалишда давом этмоқда.
16 июн куни коронавирус тарқалишининг олдини олиш мақсадида Хитойда аҳоли яна оммавий тестдан ўта бошлади ва пойтахтнинг айрим туманлари беркитилди. Пекинда 50 кундан бери касаллик қайд қилинмаган эди ва энди эса Хитойда касалликнинг иккинчи тўлқини пайдо бўлишидан хавотир олинмоқда. Ўтган йили Хитойда жаҳонда энг кескин карантин чоралари кўрилгани боис касаллик тарқалишининг олдини олишга мувафақ бўлинган эди.
Кўплаб Европа мамлакатлари уч ойлик карантин чекловларидан сўнг 15 июндан ўз чегараларини қўшни давлатлар сайёҳатчилари учун очди.