Нур-Султон, Олмаота, Қарағанда, Чимкент, Павлодар ва Экибастузда:
Савдо уйлари, тармоқ дўконлари, ёпиқ турдаги озиқ-овқат ва ноозиқ овқат бозорлари ва бозорлар ёпилади,
кафе ва ресторанларга хўрандаларнинг ижтимоий масофаси сақланган ҳолда фақат очиқ ҳавода ишлашлари учун рухсат берилади;
жамоаттранспорти фаолияти чекланади;
парклар, хиёбонлар, соҳиллар, пляж, аквапарклар ёпилади;
фитнес-марказлар ёпилади.
Мазкур шаҳарларнинг ҳаммасида "65 ёшдан катта фуқороларнинг кўчага чиқиши чекланади".
50 минг кишидан кўп аҳолиси бўлган аҳоли пунктларида ҳам 65 ёшдан катталарнинг кўчага чиқиши тақиқланади, парк, хиёбонлар ва соҳиллар беркитилади.
Нур-Султон, Олмаота, Қарағанда, Чимкент, Павлодар ва Экибастузга кириш яна чекланади, бу шаҳарлардан чиқишда яна блокпостлар ўрнатилади.
Қозоғистонда коронавирус тарқалиши билан карантин чекловлари иккинчи марта жорий қилинмоқда. Биринчи бор 16 март куни киритилган эди. Аввалига фавқулотда вазият 15 апрелгача амал қилиши керак эди, аммо аввалига 1 майгача, сўнг май ойи охиригача узайтирилди. Июнь ойи бошларида карантин ва шахарларга кириш тақиқлови бекор қилинди,бизнес тўла қувват билан ишга тушди.
Шу билан бирга чекловлар олиб ташланиши билан Қозоғистонда коронавирусга чалиниш бирданига ошиб кетди: айрим ҳолларда бир кунда мингга яқин киши касаллика чалинди. Шу билан бирга амалдорлар ҳам оммавий равишда касалга чалина бошлади: жумладан Жамбил вилоят раҳбари ваҚозоғистон соғлиқни сақлаш вазири касалликни юқтирди. 18 июн куни эрталаб ҚозоғистондаCOVID-19га чалиниш билан боғлиқ 15 877 та ҳолат қайд қилинди, шунингдек 6831 симптомсиз коронавирус ташувчиси аниқланди. 100 киши вафот этди.
Аввароқ президент Қасим-Жомарт Токаев баёнот бериб, коронавирус билан боғлиқ вазият "фуқоролар томонидан оммавий равишда карантин режимига итоат этилмаётгани боис мураккаб экани, аммо хукумат назоратида эканилигини" таъкидлаган эди.