Хуқуқ ҳимоячиси Бахитжан Торегожина ўз саҳифасида 18 июн куни ушланган ва 15 кунга қамалган камида саккиз кишининг исми шарифини эълон қилди.
Бир неча кишига нисбатан жума кунга ўтар кечаси онлайн-судлар бўлиб ўтди. Куни кеча хуқуқ ҳимоячиси ўзинингFacebook’даги саҳифасида Олмаотада фаоллар полицияга чақирилганини маълум қилган ва чақирувнома суратини эълон қилган эди. 19 июн куни олмаоатлик фуқоро фаоли ва пенсионер Сахиб Жанабаева Азаттиқ радиосига полицияга бориши юзасидан чақирувнома олганини маълум қилди.
Суд сайтида эълон қилинган Олмаотада истиқомат қилувчи фаоллар Асхат Жексебаев, Сагидулла Акаев ва Алибек Бакдаулетовга нисбатан чиқарилган хукмда таъкидланишича, улар ўтган шанба, 13 июн куни Олмаоата марказида «маҳаллий ижроия идорани огоҳлантирмай, келишилмай ва рухсат олмай намойиш ўтказганликлари» таъкидланади.
Қарорда, суд уларнинг уччаласини Маъмурий хуқуқбузилишлар Кодексининг 488 моддаси6 қисми («Тартибларни бузган ҳолда йиғилиш, митинг, намойиш, юриш, пикетларда ёки бошқа тадбирларда иштирок этиш») бўйича айбдор деб топилгани таъкидланади. Алибеков ва Жексебаевнинг хар бири 15 кунга ҳибсга олинди, Акаев 58 338 тенге (144 доллар) миқдорида жаримага тортилди. Яна уч кишига нисбатан 488 модда 6 қисм бўйича иш кўрилаётгани айтилади.
13 июнь шанба куни кечқурун Олмаоата марказида юзга яқин одам тўпланди ва Панфилов кўчасида пиёда намойишини ўтказдилар. Тўпланганлар мусиқа асбобларини ишлатишди, айримлари рақсга тушди. Намойиш вақтида иштирокчтлар«Фаоллар–экстремистлар эмас»«Алға, Казахстан!» («Олға Қозоғистон!») дея бақирдилар.
Ўшанда акция иштирокчиси Асхат Жексебаев Азаттиқ радиосига: «Бизга митинг ўтказишга рухсат беришмайди, шу сабабли биз шу ерда тўпланиб рақсга тушишга, вақтимизни тинч ўтказига қарор қилдик» деган эди.
Фаоллар сўз ўйини қилиб «субботаж» деб аталган буакцияни ижтимоий тармоқлардаги саҳифаси орқали хорижда яшовчи мухолифатдаги сиёсатчи Мухтар Аблязов уюштирди. Шу каби акциялар Қозоғистоннинг бошқа шаҳарларида, жумладанНур-Султон ва Чимкентда ҳам бўлиб ўтди.
Коронавирус пандемияси ва карантин чекловлари даврида қабул қилинган тинч йиғилишлар тўғрисидаги қонунга кўра хукумат томонидан рухсат берилмаган акцияларни ўтказганларга нисбатан кескин чоралар кўриш назарда тутилади. Хуқуқ ҳимоячилари бу қонунни танқид қилишади, уларнинг баёнотига кўра митингларни ўтказиш бўйича хукумат томонидан эълон қилинган «огоҳлантириш характер»и аслида ёлғон бўлиб, ҳамон хукумат акцияларга рухсат бермаслик хуқуқига эгалигича қолмоқда.