Ссылки доступа

Путин: "СССР республикалари Россия ерларининг катта қисмини олган"


Владимир Путин якшанба куни "Россия 1" телеканалининг "Москва. Путин. Кремль" дастурида чиқиш қилар экан, Совет Иттифоқи ташкил қилинганда кўплаб республикалар унинг таркибига кирар экан, "Россиянинг катта ерларини" олганини ва "Россиянинг анъанавий тарихий ҳудудларига эга" бўлганини таъкидлади.

Шу билан бирга Россия президентининг фикрича, СССР таркибидан чиқаётганда ҳар бир республика "нима билан кирган бўлса шу билан чиқиши" ва "рус халқининг совғасини ўзи билан олиб кетмаслиги" керак экан.

Путин айнан қайси республикалар ва қайси ерларни назарда тутаётганини ойдинлаштирмади, фақат “Совет Иттифоқини ташкил этиш битимида ундан чиқиш ҳуқуқи ҳақида ёзилган, бироқ жараён ҳақида ҳеч нарса дейилмагани сабаб савол юзага келади” деди.

Шу билан бирга Путин яна бир бор баёнот бериб, 2014 йилда Қримнинг Россияга қўшилиши "ярим орол халқининг демократик танлови" бўлганлигини таъкидлади. "Қрим ҳамиша, ҳатто юридик нуқтаи назардан ҳамбизники бўлган", - дея қўшимча қилди Россия раҳбари.

XS
SM
MD
LG