Мажлисда у томонидан тақдим қилинган сценарий бўйича тўрт ҳафталик карантин вақтида бир кунда шифохонага ётқизилиши керак бўлган 2 500 нафар беморни қайд қилиш, август ойи охирларига бориб инфекцион койкаларга 30 мингга яқин беморни ётқизиш кўзда тутилади. Агар карантин жорий қилинмаса, вазирнинг айтишича, бир кунда 27 мингта ҳолат қайд қилиниши мумкин экан, у ҳолда 300 мингта койкага эҳтиёж сезилади. Икки хафталик карантин сценарийси бўйича бир кунда етти мингтагача бўлган бемор қайд қилинади ва 80 мингга яқин койкага эҳтиёж туғилади.
Цойнинг фикрича, тўрт ҳафталик карантин прогнози «аҳоли ўртасида касалланиш занжири узилиши нуқтаи назаридан самарали бўлади». Унинг сўзларига кўра, карантинни кучайтириш борасидаги қарорни давлат комиссияси «яқин кунларда» эълон қилади.
Унинг айтишича, 10 июндан бошлаб «COVID-19 аломати бўлган ва ПЦР-тести манфий бўлган зотилжам» холатларининг ўсиши кузатилмоқда. «Сўнгги кунларда бу каби зотилжамнинг қайд қилиш холатлари бир кунда 2,5 мингтага етди», — дея хабар берди вазир.
Зотилжам касаллигининг ошиб бораётгани ҳақида Азаттиқ икки ҳафтадан бери маълумот бериб келмоқда. Оқтобе вилоятида, расмийларнинг хабар қилишича, шу вақт мобайнида шамоллашдан камида 62 киши вафот этди. Ҳар куни Қарағанда, Туркистон, Оқтобе, Павлодар ва Мангистау вилоятларида зотилжамга чалинган ўнлаб беморлар шифохонага ётқизилади. Айрим шифокорларнинг фикрича, зотилжамнинг оғирформаси коронавирус инфекцияси аломатларидан биридир, ҳамда COVID-19тести натижарларининг манфий бўлиши инфекция тезлик билан енгил формага ўтишини англатишини айтишади. Бурундан олинадиган модда эса вирус йўқлигини кўрсатиши мумкин экан.
Қозоғистонда бугунги кунда расмийларнинг маълум қилишича касалликка чалинганлар сони 40 мингга яқинлашиб қолди. 188 та ўлим ҳолати қайд қилинди.