Ссылки доступа

ОАВ: Қирғизистон расмийлари қиммат нархда респиратор ва ниқобларни харид қилган (видео)


Қирғизистон молиявий полицияси “ПолитКлиника” мустақил нашрида эълон қилинган мақола юзасидан текширув бошлади — журналистлар фавқулотда ҳолат вақтида маҳаллий расмийлар ниқоб ва ҳимоя либосларини, айрим ҳолларда бозор нархидан 10 баробар қиммат нархда сотиб олганлигини аниқладилар.

Власти Кыргызстана закупали маски и респираторы по завышенным ценам
пожалуйста, подождите

No media source currently available

0:00 0:02:51 0:00

"ПолитКлиники" таҳририяти бир неча ой мобайнида давлат харидлари сайтини ўрганди — журналистлар коронавирусдан ҳимоя воситалари ва жиҳозларни харид қилиш борасида давлат тендерларида ғолиб бўлган фирма эгаларини қидиришди. Ҳукумат танлаган компанияларнинг ярми танловсиз тўғридан тўғри шартнома тузган экан. Қонун бўйича фавқулотда ҳолат вақтида буни амалга ошириш мумкин ва амалдорлар бундан фойдаланиб қолишга ҳаракат қилишган.

Журналистларнинг аниқлашларича, лотлардан бирида "Фарватер" ОАЖ респираторларни 400 сом (тахминан $5)дан харид қилган, бу вақтда Бишкекда уларни 30 сомдан 150 сомгача харид қилиш мумкин эди. Бир марта ишлатиладиган уч қаватли ниқоблар тендер бўйича 25 сомдан сотиб олинган, аслида улар 10 сомдан сотилган.

Амалдорлар сотиб олган сунъий нафас олдириш аппаратлари ҳам бозор нархидан анча қимматга олинган. Битта ИВЛаппарати, журналистларнинг аниқлашича, 2,5 миллион сомга харид қилинган, харидлар порталига кўра, VENTIlogic LS аппаратини интернет-магазинларида 1 миллион сомга топиш мумкин эди.

Суриштирув муаллифларининг аниқлашларича, ҳимоя воситалари ва жиҳозларини харид қилиш бўйича ўнлаб танловларнинг ғолиби бўлган фирмалардан бирининг директори ва таъсисчиси Индира Садиқовадир. Унинг номи "Биримдик" партияси таъсисчиларидан бири сифатида қайд қилинган. Журналистларнинг маълумотига кўра, бу партия — кузда бўлиб ўтадиган парламент сайловларида иштирок этиш мақсадида тузилган хукуматнинг сиёсий проектидир. Унинг рўйхатида кўплаб ҳукуматпараст депутат ва сиёсатчилар бор.

Ташкилотнинг баёнот беришича, Садиқованинг партия фаолияти ва Сиёсий кенгашига мутлоқо алоқаси йўқ,журналистлар эса “унинг обрўсига виждонсизларча ҳужум қилган”. “Харид жараёнларини бу каби юзаки ўрганиш ва фактларни очиқчасига бузиб кўрсатиш “Биримдик” партияси шаънига қарши тирноқ остидан кир қидиришга уринишдир”, — дея ёзди партия матбуот котиби Адилет Султаналиев.

Материал муаллифларининг ҳисоб-китобларига қараганда, коронавирус пандемияси бошлангандан бери халқаро молия институтлари Қирғизистонга тахминан ярим миллиад долларга тенг грант ва кредитлар берган. “ПолитКлиника” ҳукумат томонидан тахминан бир ярим миллион долларлик маҳсулот харид қилинганини ўрганди. Пайшанба куни ҳукуматда зудлик билан молия вазирлигининг ҳисоботи тингланди. Амалдор хоним тўғридан тўғри эфирда маблағлар шаффоф ва қатъий белгиланган тартибда ишлатилганига ишонтирди.

Шу билан бирга бир ой муқаддам ҳукумат жалб қилинган харажатлар борасида батафсил маълумот бера олмаслиги юзасидан баёнот берган эди. Бу гал Молия вазирлиги икки ой мобайнида амалдорлар халқаро ёрдамларни қандай тақсимлагани борасида маълумот беришга ваъда қилди.

XS
SM
MD
LG