Унинг айтишича, ПЦР-тест натижаларидан қатъий назар, зотилжам беморлари “клиник протоколга биноан” COVID-19 каби вирусга қарши даволанади.
«ПЦР-тадқиқотларида зотилжам ташхиси қўйилган беморларда ПЦР натижаси манфий бўлаётганини кузатаяпмиз. Бу принцип жиҳатдан жоиз, коронавирус инфекцияси нафас йўлларида кузатилади, бу пайтда ЦПР-тест ҳамиша ҳам [ижобий] натижани кўрсатмайди», — дейди Есмагамбетова.
У зотилжамга чалинганлардан кимларда коронавиус аниқланганига ойдинлик киритмади. Есмагамбетованинг айтишича, биринчи ярим йилликда зотилжам туфайли қайд қилинган1 772 та ўлимнинг 628 таси июнь ойида юз берган.
Соғлиқни сақлаш вазири Алексей Цой пайшанба куни баёнот бериб, Қозоғистонда 2020 йилнинг биринчи олти ойида зотилжам билан боғлиқ 98 мингта ҳолат қайд қилинганини, унинг учдан бир қисми - яъни 32 мингга яқини июн ойида кузатилганини маълум қилди.
Шифокорларнинг айтишларича, зотилжам туфайли шифохонага ётқизилганларнинг катта қисмида COVID-19 тестлари манфий натижани берган. Айрим экспертларнинг фикрича, касалликка чалинишлар коронавирус тарқалишининг оқибатидир.
«Бугунги кунда тестларимиз нотўғрилигини ёки баъзи хатолар билан олиб борилганлигини тасдиқловчи маълумотлар йўқ», — дея қўшимча қилади Есмагамбетова.
Қозоғистонда 2 июль куни коронавирус инфекциясига чалиниш билан боғлиқ 1 501 та янги ҳолат қайд қилинди, дея ҳукумат хабар берди. 496 нафарида симптомлар бор, 1 005 нафари эса аломатсиз ташувчилар гуруҳига киритилди.