Мамайнинг қўлида “Кредитлардан воз кечилсин! Хорижликларга ер сотилмасин! Макс Бокаевга озодлик!” сўзлари ёзилган плакатлар бор эди. Плакатлардаги чақириқлар 6 июн кунги норозилик намойишларида кўтариб чиқилган шиорларни такрорлайди, ўшанда Олмаотада полиция мухолифат гуруҳларининг митингга чиқиш таклифига рози бўлган юзга яқин кишини ушлаган эди, митингга чиққанлар кредит амнистияси, қишлоқ хўжалик ерларини хорижликларга сотишни тақиқлаш ва сиёсий маҳбусларни жумладан Отирау қамоқхонасидаги фаол Макс Бокаевни озод қилинишини талаб қилишган эди. Бокаев 2016 йил ҳукуматнинг ер ислоҳотларига қарши бўлиб ўтган митингдан сўнг ушланган ва беш йил қамоққа ҳукм қилинган эди.
Олмаоата шаҳар ҳокимининг ички сиёсат бошқармаси бошлиғи ўринбосари Айдар Есенбеков Мамайни пикет ўтказиш учун ярим соат берилганидан огоҳлантирди. У шунингдек, Мамай акция ўтказиш борасида берган аризасидаги мавзудан четга чиқмаслигини айтди ва ижтимоий масофани сақлаш зарурлигини эслатиб ўтди.
Мамайнинг айтишича, миллионлаб қозоғистонликлар эпидемия туфайли даромадидан айрилди, 5 июлдан жорий қилинган икки ҳафталик карантин вазиятни кескинлаштириб юборди.
— Расмийлар Миллий фондда 90 миллиард доллар борлигини айтади. Қанча одам даромадсиз қолди ва қанчаси ишлаш имкониятидан маҳрум бўлди? Кўпчиликнинг эпидемия вақтида дори сотиб олишга ҳам пули йўқ. Ҳукумат ҳар бир оилага 200 минг тенге (490 доллар) беришини талаб қиламиз. Фуқароларнинг кредитлари банклар томнидан воз кечиб юборилиши керак. Қўлимизда 20 минга яқин фуқародан ариза бор, уларнинг бирортаси ҳам тўй-тантана учун кредит олмаган, улар зарур нарсалар учунгина кредит олишган, — дейди фаол.
Мамай қишлоқ хўжалик ерларини хорижликларга сотиш ва ижарага беришни кўзда тутувчи Ер Кодексига киритилган беш йиллик мораторий 2021 йилда ниҳоясига етишини эслатиб ўтди (мораторий мамлакат бўйлаб ер ислоҳатларга қарши ўтказилган митинглардан сўнг жорий қилинган эди).
— Хукумат карантиндан фойдаланиб қолмаслиги ва хорижликларга ер сотилишига ёки ижарага берилишига қарши Қонунга тақиқлаш борасидапункт киритилиши керак, — дейди Мамай.
Мамай Отираудаги митингдан сўнг ҳукм қилинган ва ҳозир Оқтобе қамоқхонасида жазони ўтаётган фаол Макс Бокаевнинг саломатлигидан ўз хавотирини билдирди.
— Чоршанба куни Макс билан [телефон орқали] гаплашдим, у ҳид ва таъм билиш қобилиятни йўқотганини айтди, коронавирус инфекцияси аломатлари бор ва қамоқхонада ҳамма бемор. Қозоғистон ҳукуматидан Бокаев ва бошқа сиёсий махбуслар озод қилинишини талаб қиламиз, — деди Мамай.
Ўтган ҳафта бир гуруҳ америкалик сенаторлар Қозоғистон президенти Қасым-Жомарт Тоқаевга мактуб йўдлаб Макс Бокаевни озод қилишга чақирдилар.
Ярим соатлик акциядан сўнг Жанболат Мамай плакатни йиғиштириб олди ва мустақиллик монументи жойлашган Республика майдонини тарк этди. Унинг акциясини бир нечта журналист кузатиб турди.