Ссылки доступа

АҚШ ЖССТдан чиқиши борасида БМТни расман хабардор қилди


Қўшма Штатлар президент Дональд Трамп томонидан Жаҳон Соғлиқни Сақлаш Ташкилоти(ЖССТ)га нисбатан кескин билдирлган танқиддан сўнг Бирлашган Миллатлар Ташкилотига мурожаат қилиб ЖССТдан чиқиши юзасидан хабардор қилди.

Вашингтон 6 июл куни БМТ Бош котиби Антониу Гуттеришга мурожаат қилиб роппа росса бир йилдан сўнг АҚШ Жаҳон соғлиқни сақлаш ташкилоти таркибидан чиқиши юзасидан хабардор қилди.

АҚШ ЖССТнинг йирик донори ҳисобланади. АҚШ ташкилот бюджетининг 15 фоизини қоплайди. Аввалроқ, Трамп ЖССТни Хитойда янги коронавирус инфекцияси тарқалиши борасидаги “ишончли хабарларни” инкор қилганликда, шунингдек, ташкилот жуда ҳам секин ҳаракат қилганликда ва Пекин томонидан бўладиган босимга дош бера олмаганликда айблади.

Пандемия жаҳон иқтисодиёти ўсиши сусайишига ва ишсизликка олиб келди, бу ўз навбатида иккинчи муддатга сайланиш учун шу йил ноябрида бўлиб ўтадиган сайловда иштирок этишга қарор қилган Трампнинг сиёсий келажагига хавф солди. АҚШдаги ишсизлик сўнгги ярим асрлик паст кўрсаткичдан йил бошида 3,5 фоиздан апрель ойида салкам 15 фоизга кўтарилди.

Трамп Қўшма Штатларда эпидемиянинг олдини олишдаги фаолияти боис бир неча бор сиёсий рақибларнинг танқид объектига айланди. Мамлакат жаҳонда COVID-19га чалиниш ва вафот этганлар борасида етакилик қилади. Танқидчиларнинг фикрича, Трамп ҳамма айбни ЖССТга юклашга уринмоқда.

XS
SM
MD
LG