Ол қазір халық медициналық көмекке зәру деді. "Ауырып жатқандар емделсін. Бірақ еңбек демалысындағы барлық дәрігерлер жұмысқа шығуы тиіс. Олар тәулік бойы демалыссыз жұмыс істеп жатқан әріптестеріне көмектесуі керек", - деді Боронов.
Денсаулық сақтау министрлігінің мәліметінше, қазір медицина қызметкерлерінің тең жартысы демалыста.
Ресми мәлімет бойынша, қазір індетке қарсы күресте 29 502 маман атсалысып жатыр. 8 322 маманның жоғары медициналық білімі бар.
Қырғызстанда соңғы тәулікте 345 адамнан вирус анықталды. Жалпы 8486 адам індет жұқтырған. 2983 науқас жазылып шықса, 112-сі көз жұмды.