8-июл куни кечқурун полиция парламент биноси олдида тўплаганларга қарши кўздан ёш оқизувчи газ қўллади.
Норозиликлар катталиги жиҳатдан Сербияда иккинчи ўринда турувчи Нови-Сад шаҳрида ҳам бошланди. Бу ерда намойишчилар минтақавий теледастурлар идорасини куч билан эгаллашга интилди. Полиция бунга қаршилик кўрсатди, шундан сўнг намойишчилар шаҳар хокимилиги томон юриш қилдилар. Айрим шахслар бинога тош ва бошқа буюмларни улоқтирди. Жабрдийдалар ҳақида маълумот йўқ.
Серб полицияси раҳбари Владимир Ребичнинг хабар қилишича, Белграддаги тартибсизликларнинг биринчи оқшомида 20 га яқин намойишчи ва 40 дан ортиқ ҳуқуқни ҳимоя қилувчи идора ходими жароҳат олди. Бешта полиция машинаси ёқиб юборилди.
Инсон ҳуқуқлари бўйича Европа Кенгаши Комиссари Дуня Миятович полиция ходимлари намойишчиларга қарши ҳаракат қилганидан ташвишга тушганини билдирди. Ҳодиса жойидан олинган кадрларда одамлар дубинкалар билан калтакланаётгани акс этган. "Серб полицияси томонидан намойишчиларни куч билан тарқатиш инсон хуқуқларига риоя этишда жиддий ташвишларни туғдиради", - деди Миятович, ҳам ҳукумат юз берган ҳодисани жиддий ўрганиши ва зўрлик ишлатган полиция ходимларига жазо кўрилиши лозимлигини ўз сўзига қўшимча қилиб ўтди.
Сербия президенти Александр Вучич агар суриштирувлар полиция томонидан ноқонуний ҳаракатлар содир этилганини тасдиқласа у ҳолда зарур чоралар кўрилишига ваъда берди. Шу билан бирга Вучич фуқароларга мурожаат қилиб норозилик намойишларидан тийилиб туришга чақирди, унинг айтишича, намойишлар коронавирус билан боғлиқ вазиятни кескинлаштириб юбориши мумкин экан. Эпидемия вақтида Сербияда 17 мингдан ортиқ киши касаллика чалинди, 340 дан ортиқ бемор вафот этди.
Вучич партияси ғалаба қозонган 21 июнда бўлиб ўтган парламент сайловларидан сўнг эпидемиологик вазият ёмонлашгани боис ҳукумат май ойида бекор қилинган карантин чораларини қайта тиклашга қарор қилди. Мухолифат бошчилигидаги норозилик намойиши иштирокчилари COVID-19га қарши чоралар учун маъсул бўлган команда ўзгартирилишини талаб қилмоқда, уларнинг фикрича, ҳозирги таркиб “сиёсийлашган” экан.