Санкцияларга кўра, бу шахсларнинг Қўшма Штатлар худудларидаги активлари музлатилади, виза чекловлари жорий қилинади ва ишбилармонлик алоқалари тақиқланади.
АҚШ президенти Дональд Трамп шу йилнинг июнь ойида ХХРнинг Шинжон Уйғур мухтор Ўлкасида уйғур ва бошқа мусулмонларни таъқиб қилгани учун санкциялар тўғрисидаги Қонунни имзолаган эди. Вашингтон инсон ҳуқуқларининг бузилишлари орасида уйғурларнинг махсус лагерларга жойлаштирилишини ҳам таъкидлаб ўтади. Бу лагерларда миллий ўзликни йўқотиш мақсадида одамлар мафкуравий тарбияланади ва оғир меҳнатга мажбурланади.
ХХР расмийлари бу каби лагерларини терроризмга қарши касбий қайта таёрлаш марказлари дея атайди.
Бу каби лагерларга жойлаштирилган одамларнинг айтишларича, уларга бу ҳудуддан ташқарига чиқиш тақиқлаган, ташқи дунё билан алоқа қилиш чекланган. Марказда ушлаб турилганлар диний ибодатларни амалга ошириш ҳуқуқидан маҳрум қилинган ва улар хитой тилини ўрганишга мажбур қилинади. Ҳуқуқ ҳимоячиларнинг айтишларича, сўнгги йилларда бир миллиондан ортиқ хитой мусулмонлари мана шу лагерларда бўлган.