Ссылки доступа

Бишкекке Орусиядан дарыгерлер тобу келди


10-июлда Новосибирск шаарынан 192 кыргызстандыкты алып келүү үчүн уюштурулган чартердик каттам менен дарыгерлер да келишти. Бул тууралуу Республикалык ыкчам штабдан билдиришти.

Бишкекке жеткирилген кыргызстандыктардын арасында кош бойлуу келиндер, улгайган адамдар, жаш балдар жана студенттер бар.

26-июнда кабыл алынган чечимге ылайык, чет жактан кайтып келгендер эгер оорунун белгилери жок болсо аэропорттон үйүнө коё берилет, ал эми оорусу байкалгандар дарыланууга жөнөтүлөт же ооруканага жаткырылат.

Кыргызстанда коронавирус алгач 18-мартта Сауд Арабиясынан ажылыктан кайткан адамдардан табылган. Ошондон кийин чек аралар жабылып, аэропортко конгон ар бир учактын жүргүнчүлөрү дароо обсервацияга алынып жаткан. Кийин вирус көбүнчө Орусиядан кайткан мигранттардан табылып жатты.

Март айынан бери учак жана автоунаа менен 38 өлкөдөн 22 миңге чукул кыргызстандык мекенине кайтып келди.

Бүгүнкү күндө COVID-19га чалдыккандардын саны тогуз миңден ашты.

10-июлга карата коронавирустан 122, пневмониядан 256 бейтап кайтыш болду.

Видео

Видео

Пансионаттарга эмерек жасаган эки дос
пожалуйста, подождите

No media source currently available

0:00 0:07:19 0:00
XS
SM
MD
LG