– Жеті автобус келгенін өз көзіммен көрдім. Адамдарды осы автобуспен шығарды, – деді карантин аймағының 15-блогында отырған бір азамат.
"Озодлик" редакциясына 10 шілдеде жолданған видеода 23-блоктағы адамдарды түнде автобусқа отырғызып жатқаны анық көрініп тұр.
– Карантиндегі адамдарды денсаулығы туралы анықтамасыз-ақ шығарып жіберді. Олар карантин лагеріндегі орындарды босатып жатыр, - деді осында жатқандардың бірі.
Карантиндегі адамдар үйіне қайтқанын лагерьдің колл-орталығындағылар да растады.
8-9 шілдеде Уртасарай карантин лагерінде отырғандар бүлік шығарғаны мәлім болды. Бір айдан бері осында жатқан адамдар үйге қайтаруын талап еткен.