«Биз карантин чораларини 1 августга қадар чўздик. Бу шу билан боғлиқки, ушбу касалликнинг инкубацион даври 14 кундан ошмайди. Яъни биз бир ярим циклни танладик. Бу инфекция бир одамдан иккинчисига юқишининг олдини олиш учун етарли оптималь муддатдир. Агар биз ушбу муддатга чидаш беролсак, карантин чораларини 1 августга тугаллашимиз мумкин»», – деди Б. Юсупалиев.
Бироқ Юсупалиевнинг сўзларига кўра, борди-ю, аҳоли орасида касалланиш ва ўлим кўрсаткичлари сони ошиб борса, у ҳолда карантин муддати узайтирилади.
«Фақатгина сўнгги бир ҳафта давомида коронавирусга чалинганлар сони 3 минг нафарга ошди, бу деярли 30% дегани. Вазият кескинлигича қолмоқда. Бугунги кунда кўплаб шифохоналар, шунингдек, Тошкентдагилар ҳам коронавирусга чалинган беморларга мослаштирилмоқда. Бу онкологик, кардиологик, хирургик беморлар коронавирус инфекциясига қарши курашишдан бошқа тиббий ёрдамни ўз вақтида ололмасликларига олиб келиши мумкин. Шунинг учун, соғлиқни сақлашдаги оғир ҳолатнинг олдини олиш, аҳоли саломатлигини сақлаш мақсадида янги карантин чораларини жорий қилдик», дейди у.