Ссылки доступа

Өзбекстан Қырғызстанға 30 мың қорап "Гепарин" дәрісін жібереді


Қырғызстан үкіметі жақын күндері елде дәрі тапшылығы жойылады деді.

Қырғызстанның үкімет басшысы Кубатбек Боронов Өзбекстан үкімет басшысы Абдулла Ариповпен сөйлескенін мәлімдеді. "Өзбекстан гепарин жасап шығарады. Бір апта ішінде 30 мың қорапты жеткізуге уәде берді. Жақын күндері тапшылық жойылады", - деді Боронов.

Үкімет басшысы Иран, Үндістан, Қытай сияқты мемлекеттермен керекті дәрілерді жеткізу бойынша келіссөздер жүріп жатқанын айтты.

Коронавирус өршіп тұрған кезде Қырғызстанда дәрі-дәрмектің бағасы өсіп, кейбір дәрілер табылмай жатыр. Науқастардың көбі қанды сұйылтатын антикагулянттарға, антибиотиктерге және вирусқа қарсы дәрілерге мұқтаж болып жатыр.

XS
SM
MD
LG