Ссылки доступа

Қирғизистон аз Узбекистон 30 ҳазор баста "Гепарин" мехарад


Сарвазири Қирғизистон Қубодбек Боронов 14 июл дар нишасти хабарӣ иттилоъ дод, ки қарор аст, рӯзҳои наздик аз Узбекистон 30 ҳазор бастаи "Гепарин" ворид созанд.

"Мо бо раиси ҳукумати Узбекистон Абдулло Орипов суҳбат кардем. Дар он кишвар "Гепарин" истеҳсол мекунанд. Дар давоми ҳафта мо 30 ҳазор бастаи онро харидорӣ хоҳем кард", - афзуд ӯ.

Ба гуфтаи вай, ҳамчунин гуфтугӯҳо бо Эрон, Ҳиндустон, Покистон ва кишварҳои Иттиҳоди Давлатҳои Мустақил низ идома доранд. Қарор аст, аз Эрон 4 ё 5 навъи доруе ба Қирғизистон интиқол дода шавад, ки феълан дар дорухонаҳои он кишвар ёфт намешаванд.

Дар Қирғизистон бо афзоиши шумори мубталоёни коронавирус мушкили норасоии дору ва табибон пеш омадааст. Нархи доруҳои арзон якбора боло рафтааст.

XS
SM
MD
LG