Ссылки доступа

Бободжон Гафуров ауданының басшысы: Тәжікстанның Қырғызстанмен шекарасындағы бақылау күшейді


Зариф Назири

Бободжон Гафуров ауданы басшылығының мәлімдеуінше, коронавирусқа байланысты Тәжікстан мен Қырғызстан арасындағы шекара толық бақылауға алынды.

Аудан төрағасы Зариф Назиридің 15 шілдеде хабарлауынша, тәжік-қырғыз шекарасы 21 сәуірде жабылған, шекараны бақылау күшейтілген.

"Шекарадан автокөліктер өтіп кеткес үшін ор қазылды. Одан соң азаматтардың жүріп-тұруын бақылауға арналған бекеттер орнатылды. Біз 250 бақылау камерасын орнаттық. Қазір шекараны толық бақылап отырмыз", - деді аудан басшысы.

Тәжікстанның Бободжон Гафуров ауданы Қырғызстанның Лейлек ауданымен шектесіп жатыр. Мұнда 17 бақылау-өткізу пункті жұмыс істейді. Худжанд-Исфара жолы осы жерден өтеді. Көрші мемлекеттердің тұрғындары Тәжікстан мен Қырғызстанға кедергісіз өтіп жүрген.

Тәжік-қырғыз шекарасы 976 шақырымға созылып жатыр, соның 504 шақырымы ғана делимитацияланған және демаркациядан өткен.

XS
SM
MD
LG