Ссылки доступа

“Тез ёрдам” врачларига қўшимча 2,5 миллион сўмдан тўланади


Ўзбекистон ҳукумати жорий йилнинг 20 июль куни "тез ёрдам" ходимларини рағбатлантиришга оид қарор қабул қилди.

“Ҳуқуқий ахборот” Телеграм-канали маълумотига кўра, “Коронавирус инфекциясига қарши кураш даврида аҳолини тез тиббий ёрдам хизмати билан кенг қамраб олиш чора-тадбирлари тўғрисида”ги қарор билан 2020 йил 20 июлдан:

коронавирус эпидемияси даврида нормативга қўшимча равишда кечаю-кундуз навбатчилик қиладиган 1 нафар тиббиёт ходими ва 1 нафар ҳайдовчидан иборат ихчамлаштирилган мобил тез тиббий ёрдам бригадалари ташкил этилади;

кучайтирилган тартиб даврида ҳар ой якунига қадар барча тез тиббий ёрдам бригадаларида ишловчи ходимларнинг лавозим маошига 6 фоиз миқдорида ҳар кунлик қўшимча тўловлар ўрнига қуйидаги миқдорларда қўшимча моддий рағбатлантириш тўловлари белгиланади:

врач ходимларга – 2,5 миллион сўм;

ўрта тиббиёт ходимларига – 1,5 миллион сўм;

ҳайдовчиларга – 1,0 миллион сўм.

Шунингдек, Қорақалпоғистон Республикаси, вилоятлар ва Тошкент шаҳридаги эпидемиологик вазият, шунингдек, тез тиббий ёрдам хизматига кунлик чақириқлар сонидан келиб чиқиб ихчамлаштирилган мобил тез ёрдам бригадаларининг вақтинчалик нормативлари тасдиқланади.

XS
SM
MD
LG