Бу ҳақда бош вазир Кубатбек Боронов 21 июль куни ўтказилган Республика тезкор штабининг мажлисида айтди.
Унга кўра, тиббий муассасаларнинг қурилиши учун ер участкалари ва лойиҳаларнинг ўзи тайёргарлик босқичида.
«Касалхоналар қурилиши шу ҳафтадан бошланади. Давлат архитектура, қурилиш ва уй-жой коммунал хўжалиги агентлиги масъул орган ҳисобланади. Соғлиқни сақлаш вазирлиги мазкур мазкур касалхоналарни керакли тиббий анжомлар билан жиҳозлаш ва кадрларни танлаб олишга жавобгар», - деди Боронов.
Мажлис давомида шунингдек, минтақаларда бекор ётган бўш бинолар 100 ўринли реанимацион блоклари бўлган шифохоналарга айлантирилиши ҳақида фикрлар янгради.
20 июл куни президент Сооронбай Жээнбеков ва бош вазир Кубатбек Бороновнинг онлайн кенгашида Бишкек ва Ўш шаҳарларида 100 ўринли юқумли касалликлар шифохонаси қурилиши бўйича лойиҳани тайёрлаш ҳақида гапирилди. Пойтахтда Республика клиник инфекцион касалхона ҳудудида қурилиш учун участка ажратилгани маълум бўлди.
Касалхоналар қуришга қанча маблағ ва қайси манбалардан йўналтирилиши ҳозирча очиқлангани йўқ.
Қирғизистонда эпидемиологик ҳолат кескинлашган бир шароитда жамиятда давлатнинг соғлиқни сақлаш соҳасидаги сиёсатидан тобора норозилик кучайиб бормоқда. Бир неча марта коронавирусга қарши курашга тайёргарлик доирасида донорлардан олинган маблағлар ҳисобига касалхоналар қуриш керак эди, қабилидаги фикрлар янграган.