Ссылки доступа

ЖССТдан Ўзбекистонга 4 миллион долларлик инсонпарварлик юки келди


Жаҳон соғлиқни сақлаш ташкилотининг (ЖССТ) Европа минтақавий бюроси Бирдамлик ва “COVID-19”га жавоб бериш глобал жамғармаси орқали ЖССТ Бош қароргоҳи томонидан харид қилинган, умумий қиймати 4 миллион АҚШ долларидан ортиқ ва умумий оғирлиги 85 тоннага яқин бўлган инсонпарварлик юкини Ўзбекистонга етказиб берди. Бу ҳақда БМТнинг Ўзбекистондаги вакиллиги матбуот хизмати маълумот тарқатди.

Қайд этилишича, гуманитар юкни жўнатиш икки босқичда амалга оширилган. Тошкентга 8 июль куни етиб келган биринчи партияда юз учун 619 400 та ҳимоя қалқончаси ва 2 176 000 дона жарроҳлик ниқоби бўлган. Иккинчи партия пойтахтга 17 июль куни етказиб берилган. У шахсий ҳимоя воситалари, жумладан, ҳимоя кўзойнаги (95 200 дона), ҳимоя халатлари (178 000 дона), жарроҳлик ниқоблари (12 000 дона), KN95 респиратор ниқобларидан (1 064 000 дона) иборат бўлган.

Юк Ўзбекистон Соғлиқни сақлаш вазирлиги ҳузуридаги Санитария-эпидемиологик осойишталик агентлигига топшириш учун мўлжалланган.

Олинган инсонпарварлик юки ЖССТ томонидан Ўзбекистонга кўрсатилаётган ёрдамнинг бир қисми экани айтилмоқда.

XS
SM
MD
LG