Бу ҳақда Озодликка Соғлиқни сақлаш вазирлиги хабар қилди.
Олдинроқ бишкеклик Айдай Иргебаева унинг бобоси жасади ўрнига бошқа кишининг жасадини беришганини гапириб берган эди.
«Биз уни ортга қайтаришга ва бобомизнинг жасадини олиб кетишга улгурдик. Бизнинг медикларга эътирозимиз йўқ, улар бобом ҳаётини қутқариш учун қўлидан келганини қилишди. Соғлиқни сақлаш вазирлигига ҳам ҳеч қандай эътироз йўқ. Бироқ жасадни олиб кетишдан олдин қариндошларига бир кўриб олишга рухсат берсалар, деган илтимос бор», - дейди Иргебаева.
Унга кўра, бобосининг жасадини ўликхонадан эмас, балки вафот этган касалхонадан олишган. Бундай хато юз берган касалхона қайсилигини Иргебаева қариндошлари айтишдан бош тортишмоқда. Уларга кўра, шифокорларда нохушлик бўлишини истамайдилар ва юз берган ҳодисани инсон хатоси деб тан олишди.
Олдинроқ протоколга кўра, коронавирусдан ўлган одамларнинг жасадлари очиб кўриш учун ўликхонага келтирилиши кераклиги хабар қилинган эди.
Қирғизистонда ўтган куни СOVID-19нинг 967 та янги ҳолати қайд этилди, шунда 46 киши вафот этди. Эпидемия даврида коронавирус юқтириш билан боғлиқ ҳолатларнинг умумий сони 30326 тага, ўлим билан тугаган ҳолатлар 1169 тага етди.