Хабар берилишича, полиция ходимлари аҳолига “дам олиш зоналарига боришдан” тийилишга, одамлар оммавий тўпланадиган жойларга бормасликка тавсия этмоқда. Полиция турғунларни ва пойтахт меҳмонларини “вазиятга тушуниш билан ёндашишга” чақирди.
Қозоғистон ички ишлар вазири Ерлан Тургумбаев жума куни ўтказилган брифингда хабар қилишича, Туркистон вилоятининг асосан этник ўзбеклар ва қозоқлар истиқомат қиладиган Шорнак қишлоғидаги можародан кейин полиция “адоват уруғини сочиш ва ёлғон ахборот тарқатиш” фактлари бўйича тергов ўтказмоқда. Расмийларнинг баёнотига қараганда, 21 июлга ўтар кечаси қишлоқликлар ўртасида “тошлар қўллаган ҳолда муштлашув”га айланиб кетган маиший зиддият содир бўлди. ИИВ маълумотига кўра, натижада тўрт киши, шу жумладан, участка нозири тан жароҳатлари олган. Шорнакдаги ҳодисадан сўнг қишлоққа кираверишга полиция блокпости қўйиб чиқишган. Ички ишлар вазирининг баёнотига кўра, мазкур аҳоли пунктида “Ҳуқуқий тартиб” тезкор-профилактик тадбирлари ўтказилмоқда.
ИИВ раҳбари Тургумбаев шунингдек, полиция Қарағанда вилоятининг Сатпаев шаҳрида бир қизнинг ўғирланиши ва зўрланиши ҳодисасидан кейин жамоат тартибини бузишда гумон қилинаётганларни қидириш ишларини олиб бораётганини хабар қилди.
Маҳаллий турғунлардан бири беш ёшли қизчани ўғирлаб ўзининг хонадонида сақлаб тургани ҳақидаги хабардан кейин Қарағанда вилоятининг Сатпаев шаҳри юзлаб турғунлари кўчаларга чиқди. ИИВ маълумотига кўра, қўлга олинган шахснинг уйи атрофида жумага ўтар кечаси гумондорни бериш талаби билан одамларнинг оммавий тўпланиши юз берди.
Полиция маълумотига кўра, гумондорни беш ёшли қизчани топишган кавартирада қўлга олишган, унинг йўқолгани ҳақида отаси олдинроқ полицияга хабар қилган эди. Полиция терговни иккита модда модда, шу жумладан зўрлаш моддаси бўйича бошлади.
Маҳаллий турғунларнинг Озодликка айтишича, бир неча эркак гумондорнинг кўп қаватли уйига деразани очиб кириб боришга уринишган. Одамлар қичқириб, уларга оломон йўли билан жазолаш учун уни топширишни талаб қилишган. Воқеа жойидан олингани тахмин этилган кадрларда ёнаётган машиналарни, одамлар галасини кўриш мумкин. Турғунларнинг сўзларига кўра, шаҳардан чиқаверишга полициячилар қўйилган бўлиб, улар транспортни, асосан автобусларни текширишмоқда.